Hodeian

Hodeian

Egun, hodeian dago dena. Dena da ukiezina, baina ez eskuragaitza; aitzitik, hodeian egoteagatik edozein ordenagailutik geuregana dezakegu han eskegitakoa -Interneterako sarbidea badugu, jakina-. Ikusitako gune batzuk, Google sites eta Blogak, hodeian daude, baina hemen biltegi birtualei buruz arituko gara.
Biltegi birtual asko daude. Dena den, ohi bezala, bakan batzuk ekarriko ditugu hona: Podomatic, Divshare, Blip.tv, Dropbox, Google Drive eta Mega (berria).

Podomatic

Audioak eta bideoak gordetzeko gunea. Ordaindu barik, 500Megabyteko biltegia duzue. Horrez gain, igotako materialaren url eta embed helbideak sortzen ditu, gure blogean edo sitean sartzeko. Helbidea, bertan.

Tutoriala (euskaraz)

Podomatic: oinarrizko erabilera (Maite Goñi)

Divshare

Honek edozein motatako dokumentuak (audioak, bideoak, testuak, aurkezpenak...) gordetzeko gunea da, eta, aurrekoan bezala, url eta embed helbideak sortzen ditu. Hala ere, biltegiaren tamaina askoz handiagoa da: 5 Gigabytekoa. Helbidea, bertan.

Tutoriala (gaztelaniaz)

Tutorial divshare (pollo7)

Blip.tv

Honek daukan berezitasuna da igotakoa gure blogean zuzenean argitaratu dezakegula url eta embed helbiderik gabe. Biltegiaren tamaina, ustez, mugagabekoa da. Helbidea, bertan.
 
Tutoriala (gaztelaniaz)

Tutorial Podcasting Blip Tv  (Isaín Mandujano)

______________________________________________________________

Dropbox

Biltegi hau aurrekoarekin alderatuta guztiz desberdina da; izan ere, biltegi hutsa da, nahiz eta dokumentu edo dena delakoaren url helbidea sortzeko aukera izan, eta programatxo bat instalatu behar da -egon badago haien web gunera joz geure informazioa eskuratzerik, baina bestera erosoagoa delakoan gaude-. Dropboxen balioa da ordenagailuaren edozein karpeta bezala dabilela: behin programatxoa ordenagailuan instalatuta, Dropbox karpetan informazioa sartu eta atera dezakegu, elementuak arrastatuz. Biltegiaren tamaina 2Gigabytekoa da.
Helbidea eta tutoriala (ingelesez), bertan.

Google Drive

Googleren biltegia dugu hauxe. Biltegi honek 5 GBeko edukia eskaintzen digu ordaindu gabe; ordainduz gero, 16 TBekoa. Antzeko beste batzuen antzera (Dropbox...), sarean edo gure ordenagailuan instalatuta erabil dezakegu, baina, berezitasun bat aipatzekotan, hauxe: Google Docsen ditugun fitxategiak Google Driven egongo dira, eta alderantziz. 

Helbidea eta tutoriala (ingelesez), hemen.

Biltegi horiek guztiak, aukeratutako programak bezala, doakoak dira -ordainduz gero, jakina, tamaina handiagoko biltegia eta baliabide gehiago izango ditugu-.
Informazio gehiago nahi izanez gero, hemen duzue Berrian argitaratutako "Hodeian biltegiratzea" artikulua (Berria, 2012.06.13).

Mega (Berria)

Megak dakarkigun berezitasun nagusia da gure datuak kodetuta gordetzen dituela eta, ondorioz, guk geuk baino ezin dugula jakin zer dugun biltegian -Megakoek eurek ere ezin dute jakin-. Horrez gain, 50 GBeko biltegia dugu doan -ordainduz gero, handiagoa eskuratuko genuke-, eta, hori gutxi balitz, euskaraz daukagu.

Oharra: komeni da Google Crome nabigatzailea erabilitzea, baina Mozilla Firefoxerako gehigarriari esker, berdin-berdin erabil dezakegu.

Informazio gehiago nahi izanez gero, egin klik hemen.