Itzultzaile automatikoa (es-eu)

 
Gaztelania-euskara itzultzaile automatikoa  jarri du abian Eusko Jaurlaritzak. Momentuz bi hizkuntzotan dugu, baina 2013ko udarako ingelesetik euskarara ekartzeko tresna martxan egongo ei da. Oraingoz, testu labur orokorrak eta webguneak itzultzeko prestatua dago -denborarekin finduko da-; gunera jotzeko, egin klik hemen.

Informazio gehiago nahi izanez gero, egin klik hemen.

Firefox 10.0.2

Hemen dugu Mozilla Firefox berritua: Firefox 10.0.2. Beti bezala, hainbat sistema eragiletarako dugu: windowserako, linuxerako eta mac oserako.

Vlc 2.0

Vlc berritua dugu sarean, Vlc 2.0, alegia. Programa, ohi bezala, hainbat sistema eragiletarako dugu: windowserako, linuxerako eta mac oserako.

Google Drive, beste bat hodeian

http://androidgreen.es/wp-content/uploads/2012/02/google-drive.jpg

Hodeian sarreran Dropbox eta beste biltegi batzuk aipatu nizkizuen. Gaurkoan Googlek laster sortuko duena ekarri nahi dizuet: Google Drive. Egia esateko, ez dut informazio askorik, baina ematen du doakoa izango dela eta googleren kontu bat d utenek erabiltzeko moduan egongo dela; edukierari begira, ezin dizuet ezer esan. Dena den, Berria egunkariak honen gainean argitaratutako artikulua irakurri nahi baduzue, egin klik hemen.

Voki, mintzalagun

Pertsonaia bat sortzeko programa da voki. Pertsonaiari nahi dugun itxura eman ahal diogu -eredu batzuk ditugu-, eta zer esango duen agindu ahal diogu; agindutakoa bertan idatzitakoa edo grabatutakoa izan daiteke, baita igotako audioa ere. Komeni da mintzaldiaren/testuaren hizkuntza aukeratzea, ondo irakur/hitz egin dezan (euskaraz neska besterik ez dago: Arantxa). Ikusten duzuenez, batez ere, ahozkoa lantzeko aukera ematen digu programak.

Sareko programa hau erabiltzeko erregistratu beharko dugu. Behin erregistratuta, gure vokia sortu dezakegu; sorkuntza prozesuaren bukaeran esteka edo embed bat emango digu, gure blogean/sitesean txertatzeko edota lagunen bati bidaltzeko.

Oharra: irakasleentzako aukera dugu, ordaintzekoa, ikasleekin idazmena eta mintzamena lantzeko. Modu horretan, haiek ez dute zertan erregistratu.

Hemen, Ana Basterrak egindako tutorial bat; bertan, vokin izena emateko urratsak erakusteaz gain, erabilera didaktiko batzuk erakusten dizkigu.

Voki aplikazioaz pertsonaiak sortzen from Ana Basterra

Nabigatzailetik pasahitza(k) kendu

Nabigatzaileek (firefoxek, explorerrek, safarik, cromek...) aukera ematen digute pasahitza gordetzeko. Baina dena delakoagatik ezabatu nahi izanez gero, arazoak izaten ditugu. Hona hemen nabigatzaileak d(it)uen pasahitza(k) ezabatzeko modua:

Hauxe duzue webgunea.

Idazlagun

Gurean ez dugu enpresen propaganda egiten, are gutxiago, ordaintzekoa bada. Baina, euskara lantzeko tresna berria denez, hona ekarri dizuegu. Idazlagun du izena, eta Eleka Ingeniaritza Linguistikoak sortutakoa da. Egia da eskaintzen dituen baliabide batzuk euskalbarren ditugula, baina, eskolan dirua sobran baduzue...

Hona hemen Berria egunkariaren webgunean agertutako albistea. Hemen, aldiz, enpresaren webgunea eta iragarkia: